तामाकोशी नदी
![]() |
यै लेख या लेखाऽ खण्ण ले विकिपिडियाऽ लेखन शैली मापदण्ड पुरा नाइ अद्दो रे विकीकरण गद्द आवश्यक छ। लेख निको बनुनाइ, कृपया विशेष अरिबर यै को सामग्री, लेआउट, सान्दर्भिकता, बाइल्ला लिङ्क सुधार गद्दाइ मद्धत गर्याऽ। (सहयोग) |
This article needs additional citations for verification. |
तामाकोशी नदी मध्यपूर्व नेपाल ऐ यक प्रमुख नदी हो। तामाकोशी नदी सुनकोशी की सहायक नदी मात्तरी नहोइबर यो यक, शक्तिशाली प्रमुख नदी हो जो भोटेकोशी है दुई गुना ठुली छ। तामा कोशी नदी भौति हिमनदी रे हिम शिखर पगलीबर तिब्बत बठेइ बग्द शुरू अरन्छे। तामा कोशीयो शाब्दिक अनुवाद तमा इ नदी भण्ण्या हुन्छ। येइ नदीलाई दुख ऐ नदीया नाउँले लै जाण्णाआन। राजा रनबहादुर शाहका पाला मी ठेउला ई महामारी फैलिया हुनाले तन अस्क्वारीइन लाई काठमाडौँ बठेइ निकालीबर तामाकोशीया किनार मी पठायिया रे तसै क्रम मी तन धपायिया नेवार समुदायका नन्दिनाअन तै रोगले मर्याआ हुनाले उनअन ले अर्याआ विलौनालाई सितलामाजु नाम दियियाआथ्यो जैले उनराअन ऐ असजी यात्रा रे दुःख वर्णन अरन्छ। गौरीशङ्कर हिमाल ऐ हिमनदीले छोरोल्पा ताल बनिरैछे जैबठेइ यो नदी उत्पन्न भयी हो। यै नदीया पानी ई गति भौत उच्च छ। येइ नदीया पानीया बहाबलाई ग्रेड ४-६ दियीरैछ। तामाकोशी नदी सप्तकोशी नदीया सात मध्ये यक सहायक नदी हो। भौति उच्चो बहाब भयाआ कारणले येइको व्यवसायिक प्रयोग कठिन भया लै र्याफ्टिङ्ग रे क्याकिङ्ग खिलाइ येइ नदीयो प्रयोग हुनोइ आइरैछ। यो नदी दोलखा, रामेछाप, सिन्धुली होइबर बग्देइ नदी हो एवम् नेपाल ओ बहुप्रतिष्ठित माथिल्लो तामाकोशी जलविद्युत आयोजना ४५६ मेगावाट बिजुली लै इसै नदी बठेइ निकालीन्या होइरैछ जो अइल निर्माणाधीन छ।[१]