सुबिन भट्टराई

सुबिन भट्टराई
जनम	२०३९ कार्तिक १९ खोटाङ , नेपाल
पेशा	उपन्यासकार, आख्यानकार
राष्ट्रियता	नेपाली
विधा	काल्पनिक, प्रेम कहानी
उल्लेखनीय कार्यअन	कथाकी पात्र (२०६७) समर लभ (२०७९) साया (२०७१) मनसुन (२०७३) प्रिय सुफी (२०७५)
दम्पति	मुना बर्तौला

सुबिन भट्टराई (जनम २०३९ कार्तिक १९) यक नेपाली उपन्यासकार तथा आख्यानकार हुन्। कथाकी पात्र कथा सङ्ग्रह लेखेर लेखन क्षेत्रमी उदाएका सुबिन भट्टराई युवापुस्तामी निकै चर्चित बनिसक्या छन्। उनले एेल सम्म समर लभ, साया रे मनसुन लगायतका उपन्यासअन लेखिसक्या छन्। उनको चर्चित उपन्यास समर लभ उनले लेखेका दोसरो कृति हो भने पैलो उपन्यास हो। उनको पैलो कृति कथाकी पात्र यक लघु कथाको सङ्गालो हो। उनको चर्चित उपन्यास समर लभ त्रिभुवन विश्वविद्यालयको पर्यावरण विज्ञानको केन्द्रीय विभागमी पढ्ने दुई विद्यार्थी बीच परेको प्रेम सम्बन्धमी केन्द्रीत रयाः छ। यै पुस्तक वि.सं २०६९ मी नेपालमी सर्वाधिक बिक्रि भयाः पुस्तकअन मध्ये यक हो। यै पुस्तकको ४०,००० भन्दा बढी प्रतिलिपी बिक्री भइसक्या छ। यसको भाग दुई साया वि.सं २०७१ मी प्रकाशित गरियाः थ्यो जसमी कसरी उनअनको बीच पुनर्मिलन हुन्छ रे कसरी उनअनले आफुना परिवारलाई चित्त बुझाउँछन् भन्ने विषयमी केन्द्रीत छ। यै उनको दोसरो उपन्यास प्रकाशन गरियाः मैनामै पुन:प्रकाशन गरियाः थ्यो। यै पुस्तकलाई नेपाल प्रज्ञा प्रतिष्ठानमी अभिनेत्री गरिमा पन्त, केकी अधिकारी रे स्वयम् लेखकले सार्वजनिक गर्‍या थ्याः।

बाल्यकाल रे शिक्षा

सुबिन भट्टराई नेपालको पूर्वी जिल्ला खोटाङमी जन्मिया थ्याः। उनको परिवार पछा बसाइसराइ गरि काठमाण्डौ आएका थ्याः। उनका पिता सरकारी कर्मचारी हुन् भने आमा घर गृहिणी हुन्। उनले २०६२ सालमी त्रिभुवन विश्वविद्यालय बठे पर्यावरण विज्ञानमी स्नातकोत्तर हासिल गर्‍या थ्याः। उनमी बाल्यकाल बठेनै विश्वेश्वरप्रसाद कोइराला, ध्रुवचन्द्र गौतम, मार्क ट्वेन, चार्ल्स डिकेन्स, आन्तोन चेखब, पारिजात आदि बठे प्रभावित भएका थ्याः।

लेखन क्षेत्रमी

भट्टराईले १० वर्षको उमेर विद्यालय बठे लेखन क्षेत्रमी कदम राखेका थ्याः। उनले कविता लेख्न शुरू गर्दै थुप्रै कविततअन रेडियो नेपाल मार्फत प्रशारण गरेका थ्याः। उनले रेडियो नेपाल बठे प्रशारित विभिन्न नाटकअनमी बाल कलाकारको भूमिका निर्वाह गरेका थ्याः रे रेडियो नेपालको कार्यक्रम हातेमालोको उप-सञ्चालक लै रहेका थ्याः।

उनको पैलो पुस्तक कथाकी पात्र विभिन्न लघु कथाअनको सङ्गालो हो जुन वि.सं २०६८ मी प्रकाशित भयाः थ्यो। यै कथा सहरी युवा रे प्रेम कहानीमी आधारित छ। उनले सो कथा प्रकाशन गरेपश्चाथत् उनमी आत्मबलको विकास भयो जसले गर्दा उनले युवा केन्द्रीत उपन्यासअन लेखेका छन्।

उनको दोसरो कृति समर लभ (२०६९) व्यापारीक हिसाबले यक सफल उपन्यास हो। समर लभको सफलतासँगै सुबिन भट्टराई युवामाझ लोकप्रिय बनेका थ्याः रे सोही लोकप्रियता रे पाठकअनको विशेष अनुरोधमी उनले त्यस पुस्तकको दोसरो भाग साया बजारमी ल्याः थ्याः। उक्त पुस्तकले समर लभले राखेको सर्वाधिक बिक्री हुन सफलको किर्तिमानी तोडेको थ्यो। उनको दोसरो उपन्यास समर लभमी आधारित सोही नाउँको चलचित्र समेत बनेको छ जसको निर्माता लोकप्रिय चलचित्र निर्माता विकास आचार्य हुन्। उनले वि.सं २०७५ सालमी मनसुन नामक प्रेम कहानीमी आधारित उपन्यास प्रकाशित गरिसक्या छन्।

प्रकाशित कृतिअन

वर्ष	कृति
२०६७	कथाकी पात्र
२०६९	समर लभ
२०७१	साया
२०७३	मनसुन
२०७५	प्रिय सुफी

बाइल्ला सूत्रअन

• सुबिन भट्टराईको आधिकारिक टुइटर खाता
• आधिकारिक फेसबुक खाता