राष्ट्रिय जनमुक्ति पार्टी

विकिपिडिया बठेइ
Jump to navigation Jump to search

वि.सं. २०४७ वैशाख २३ गते नेपाल राष्ट्रिय जनमुक्ति मोर्चा: नाउँ ले येइ पार्टीयो जन्म भयाः हो[१]। इसै नाउँ बठेइ पार्टीले वि.सं. २०४८ साल का संसदीय निर्वाचन मी 'मान्स' चुनाव चिन्ह लीबर चुनाउ मी भाग लियो। तै पछा वि.सं.२०४८ माघ ६ गते राष्ट्रिय जन पार्टी सित एकीकरण भया पछा राष्ट्रिय जनमुक्ति पार्टीयो नामकरण भयाः हो[२]। येइ पछा भयाः २०५१ साल का मध्यावधि निर्वाचन, २०५६ को संसदीय निर्वाचन रे २०६४ को संविधान सभाः निर्वाचन मी 'घर' चुनाव चिन्ह लीबर पार्टीले चुनाउ मी भाग लीसकिराइछ। 'जनमुक्ति विचारधारा' लाई मार्गदर्शक सिद्दान्ता रुप मी आत्मसात अरीबर 'बहुजातीय लोकतान्त्रिक समाजवाद' स्थापना कि न्यूति निरन्तर अग्रसर राष्ट्रिय जनमुक्ति पार्टी सामुहिक नेतृत्व रे कार्यकर्ता मी आधारित संगठन प्रणाली अन्सारअ सञ्‍चालन मी रैरैछ[३]

पार्टीयो सांगठनिक संरचना[सम्पादनस्रोत सम्पादन]

पार्टीयो सर्वोच्च निकाय राष्ट्रिय महाधिवेशन हो रे तै पछा राष्ट्रिय भेला हो। महाधिवेशन पाँच वर्ष मी यक फेर रे राष्ट्रिय भेला वर्षो यक फेर हुन्या व्यवस्था छ। संघीय परिषद (केन्द्रीय समिति) महाधिवेशन बठेइ निर्वाचित निकाय हो[४]। केन्द्रीय तह मी संघीय परिषद कार्यकारी निकाय हो भण्या तै का मातहत मी स्थायी समिति रन्या व्यवस्था रैरैछ। संघीय सभा पार्टीयो अर्खो केन्द्रीय निकाय हो जो स्थायी संरचनाः रूप मी रैरैछ। संघीय सभा संघीय परिषद बठेइ मनोनित हुन्या सदस्यअनो निकाय ह। मातहता पार्टी संरचना अन्तर्गत राज्य परिषद, जिल्ला कार्य समिति, निर्वाचन क्षेत्रीय समिति, इलाका समिति, गाउँ/नगर/उप वा महानगर समिति रे वडा समिति रन्या व्यवस्था छ [५]

पार्टीया भातृ सङ्गठनअन लाई जनसंगठन भण्ण्या व्यवस्था रैरैछ। इसा जनसंगठनअन राष्ट्रिय युवा मोर्चा, नेपाल विद्यार्थी मोर्चा, राष्ट्रिय महिला मोर्चा, राष्ट्रिय भूतपूर्व सैनिक संगठन, राष्ट्रिय मजदुर मोर्चा, राष्ट्रिय किसान मोर्चा, राष्ट्रिय आदिवासी जनजाति महासंघ, राष्ट्रिय दलित मोर्चा, राष्ट्रिय मुस्लिम परिषद, राष्ट्रिय भूमीहीन-सुकुम्वासी मोर्चा रैर्‍यान। इन बाहेका सङ्गठनअन राष्ट्रिय यातायात व्यवसायी परिषद, राष्ट्रिय शिक्षक परिषद, राष्ट्रिय कर्मचारी संगठन, राष्ट्रिय खेलकुद संगठन, राष्ट्रिय पत्रकार परिषद, राष्ट्रिय वुद्धिजीवि परिषद, बहुजातीय सांस्कृतिक मोर्चा येइ पार्टी सित वैचारिक रूप मी नज्यूक रयाः सङ्गठनअन हुन[६]

उद्देश्य[सम्पादनस्रोत सम्पादन]

पार्टीले जातीय जनसंख्याः आधार मी समानुपातिक प्रतिनिधित्व रे हक अधिकार दिलाई तसै आधार मी शिक्षा, सरकारी या गैरसरकारी सेवा, रोजगारी रे औद्योगिक व्यवसायअन मी संवैधानिक रे कानूनी रूप मी आरक्षणो व्यवस्था अरीबर सप्पै जाति, भाषा रे धर्मावलम्बीइन लाई राज्या नीति निर्माण मी सहभागी अराइबर उनराअनो राष्ट्रिय पहिचान कायम राखीबर राज्या मूल प्रवाह मी एकताबद्ध अरीबर "राष्ट्रिय एकता, स्थायी शान्ति रे दिगो विकासो आधार, जातीय समानुपातिक प्रतिनिधित्व रे संघात्मक सरकार" को मूल मन्त्र सहित "जनमुक्ति विचारधारा" लाई मार्गदर्शक सिद्धान्ता रूप मी आत्मसात अरीबर संघीय लोकतान्त्रिक गणतन्त्र नेपाल मी "बहुजातीय लोकतान्त्रिक समाजवाद" स्थापना कि न्यूति निरन्तर अग्रसर रे कृयाशील रैरैछ।

२०६४ साल का संविधानसभाः निर्वाचन बठेइ २ जना सभासद निर्वाचित होइरैथ्या। २०४८ सालै बठेइ येइ पार्टीयो नेतृत्व एम.एस. थापा (मलवरसिं थापा) ले अद्दाइ आइर्यान।


सन्दर्भअन[सम्पादनस्रोत सम्पादन]

  1. राष्ट्रिय जनमुक्ति पार्टी केन्द्रीय प्रकाशन तथा प्रचार विभाग : भावी नेपालको मार्ग चित्र राष्ट्रिय जनमुक्ति पार्टीको मूल प्रतिवद्दता, पृष्ठ २०
  2. राष्ट्रिय जनमुक्ति पार्टी केन्द्रीय प्रकाशन तथा प्रचार विभाग : भावी नेपालको मार्ग चित्र राष्ट्रिय जनमुक्ति पार्टीको मूल प्रतिवद्दता, पृष्ठ २०
  3. राष्ट्रिय जनमुक्ति पार्टी केन्द्रीय प्रकाशन तथा प्रचार विभाग : भावी नेपालको मार्ग चित्र राष्ट्रिय जनमुक्ति पार्टीको मूल प्रतिवद्दता, पृष्ठ २०
  4. राष्ट्रिय जनमुक्ति पार्टी केन्द्रीय प्रकाशन तथा प्रचार विभाग : भावी नेपालको मार्ग चित्र राष्ट्रिय जनमुक्ति पार्टीको मूल प्रतिवद्दता, पृष्ठ २०
  5. राष्ट्रिय जनमुक्ति पार्टी केन्द्रीय प्रकाशन तथा प्रचार विभाग : भावी नेपालको मार्ग चित्र राष्ट्रिय जनमुक्ति पार्टीको मूल प्रतिवद्दता, पृष्ठ २१
  6. राष्ट्रिय जनमुक्ति पार्टी केन्द्रीय प्रकाशन तथा प्रचार विभाग : भावी नेपालको मार्ग चित्र राष्ट्रिय जनमुक्ति पार्टीको मूल प्रतिवद्दता, पृष्ठ २१