पुणे

विकिपिडिया बठेइ
Jump to navigation Jump to search
पुणे
Pune-City.jpg
देशभारत
राज्यमहाराष्ट्र
ज़िलापुणे
जनसङ्ख्या
 (2011)[१]
 • नगर३,१२४,४५८
 • Metro
५,०४९,९६८
समय क्षेत्रUTC+5:30 (आइएसटी)
डाक_सूचक_संख्या
411001 – 411062[२]
वेबसाइटwww.punecorporation.org/mr

पुणे भारताऽ महाराष्ट्र राज्योऽ यक महत्त्वपूर्ण शहर हो। यो शहर महाराष्ट्राऽ पश्चिम हिस्सा, मुला रे मूठा यिन दुइ नदिइन का किनार बसिरैछ रे पुणे जिल्लाऽ प्रशासकीय मुख्यालय लै हो। पुणे भारतोऽ छयाउँ सब है ठुलो शहर रे महाराष्ट्रोऽ दोसरो सब है ठुलो शहर हो। सार्वजनिक सुखसुविधा रे विकासाऽ हिसाब ले पुणे महाराष्ट्र मैं मुंबई पछा आउँन्छ। अनेक नामांकित शिक्षणसंस्थाअन भयाऽ हुनाले येइ शहर लाइ 'पूर्व को अक्सफोर्ड' लगै भण्णाहान्। पुणे मैं अनेक प्रौद्योगिकी रे अटोमोबाईल उपक्रम छन्, तबै पुणे भारतोऽ ”डेट्राइट” झो लागन्छ। मराठी भाषा येइ शहरै मुख्य भाषा हो।

पुणे शहर मैं लगभग सबै विषयअनाऽ उच्च शिक्षणै सुविधा उपलब्ध छ। पुणे विद्यापीठ, राष्ट्रीय रासायनिक प्रयोगशाला, आयुका, आगरकर संशोधन संस्था, सी-डैक जसा अन्तरराष्ट्रीय स्तराऽ शिक्षण संस्थान याँ छन्। पुणे फिल्म इन्स्टिट्युट लगै भौती प्रसिद्ध छ।

पुणे महाराष्ट्र रे भारतोऽ यक महत्त्वपूर्ण औद्योगिक केन्द्र हो। टाटा मोटर्स, बजाज अटो, भारत फोर्ज झा उत्पादन क्षेत्राऽ अनेक ठुल-ठुला उद्योग याँ छन्। सन् १९९० पछाऽ दशक मैं इन्फोसिस, टाटा कंसल्टेन्सी सर्विसेज, विप्रो, सिमैंटेक, आइ.बी.एम झा प्रसिद्ध सफ्टवेअर कम्पनिइन ले पुणे माइ आफुना केन्द्र खोल्यो रे पुइ यो शहर भारतोऽ यक प्रमुख सूचना प्रौद्योगिकी उद्योगकेन्द्राऽ रूप माइ विकसित भयो।


सन्दर्भअन[सम्पादनस्रोत सम्पादन]

  1. http://www.census2011.co.in/city.php
  2. "पुणे, महाराष्ट्र, भारत, Pin Code - bskud.com". bskud.com. Retrieved 2018-01-12.