के. एस. चित्रा

के. एस. चित्रा
व्यक्तिगत विवरण
वास्तविक नाम	कृष्णन नायर शान्ताकुमारी चित्रा
जन्म	(१९६३-०७-२७) २७ जुलाई १९६३ तिरुवनन्तपुरम्, केरल, भारत
किसिम	पार्श्व गायिका, शास्त्रीय सन्गीत
पेशा	गायिका
सक्रिय वर्ष	सन् १९७९–अच्याल
लेबल	ओडियोट्रैक्स्
वेबसाइट	http://www.kschithra.com/

कृष्णन नायर शान्तिकुमारी चित्रा (चल्याऽ नाउँ: के॰एस॰ चित्रा या चित्रा, जनम: २७ जुलाई १९६३) यक भारतीय पार्श्व गायिका हन्। उन भारतीय शास्त्रीय संगीत, भक्ति रे लोकप्रिय संगीत लै गौन्छिन्। उन ले मलयालम, कन्नड़, तमिल, तेलुगू, उड़िया, हिंदी, असमिया, बंगाली, बड़गा, संस्कृत, तुलु, उर्दू रे पंजाबी गीदअन मैं आफुनि आवाज दीराइछन्। उन ले छै राष्ट्रीय फिल्म पुरस्कार (महिला गायिकाअन मैं सब है जेदा), पाँच फ़िल्मफ़ेयर पुरस्कार-दक्षिण रे ३१ जुद-जुदाइ राज्य फिल्म पुरस्कारअन प्राप्त अरिराइछन्। उन ले सप्पै किसम का दक्षिण भारतीय राज्य फिल्म पुरस्कार जितिसकिराइछन्। उन नाइ दक्षिण भारत कि छोटी बुलबुल एवम केरल कि बुलबुल भँण्नान्।

प्रारम्भिक जिन्नगी रे मौ

संगीतकारअन कि यक मौ मैं केरल का तिरुवनंतपुरम मैं २७ जुलाई १९६३ मै जन्मी चित्रा कि प्रतिभा लाइ ननाइ उमर बठेइ उनरा बुवा स्वर्गीय कृष्णन नायर ले पोषित अर्यो। उनरा बुवा उनरा पैल्ला गुरू थ्या। चित्रा ले कार्नाटक संगीत मैं शिक्षा पाया पछा केरल विश्वविद्यालय बठेइ संगीत मैं स्नातक अर्यो। उन ले विजयशंकर नाउँ अर्या यक व्युपारि सित ब्याः अरिन। उनरि एक्कली चेलि नंदना को निधन आठ वर्ष का उमर मैं अप्रिल २०११ मैं दुबई मैं यक तालाउयिनी दुर्घटना मैं भयाऽ हो।