कम्प्युटर

डेस्कटप कम्प्युटरअन ले सुसज्जित कम्प्युटर प्रयोगशाला

कम्प्युटर (अङरेजी: Computer) जैईलाई नेपालीमी 'सुशाङख्य' लै भणीन्छ । यो एक प्रोग्रामेबल यन्त्र हो। कम्प्युटर शब्द ल्याटिन शब्द "Computare" बठेई अायो: हाे । जैको अर्थ "गण्णु" हाे । यन्त्रको बनावट लगालग रे स्वचालित होइबर काम पुरा अद्द्या हुन्छ। निश्चित निर्देशना अन्सार: काम अरिबर नतिजा प्रस्तुत अद्द्या यन्त्रलाई कम्प्युटर भण्णान । जो एक विद्दयुतीय साधन हो। आज है करिब ६०/७० वर्ष पैली हिसाब अद्द्या मसीनलाई कम्प्युटर भण्ण पस्या हन। सुरु सुरु मैँ कम्प्युटर भण्णाले यक मामली हिसाब अद्द्या विद्दयुतीय यन्त्र भण्ण्या बुजिन्थ्यो । तर आज आइबर कम्प्युटर जसैलै काम अद्द सक्द्या तगणो साधन बनिग्यो । विकासै न्यूति हरेक क्षेत्रमी कम्प्युटरो: प्रयोग हुन्नाछ ।

बनोट

खास अरिबर कम्प्युटर दुइ तत्व मिलिबर बन्या हुन्छ । तन हन कम्प्युटर हार्डवेयर रे कम्प्युटर सफ्टवेयर । यिन दुइका बीच भौत गैलो सम्बन्ध रया हुन्छ। हार्डवेयर नभएइ सफ्टवेयरले केइ काम लै अद्द सक्दैन रे सफ्टवेयर नभएइ हार्डवेयरलेलै केइ काम चालु अद्द सक्दैन । यिन दुएइ हार्डवेयर रे सफ्टवेयरो मील भया पछा मात्तरी कम्प्युटरले काम चालु अद्द सकन्छ। तबै यिन दुइलाई एकै छिल्लरा दुइ हणा रूपमी वर्णन अद्द सकिन्छ।

कम्प्युटरमी हुन्या एक किसमो मेमोरिमी तथ्याङ्क जमा अरिन्छ। एइमी हुन्या बाइरा साधनले बाइल्ली जानकारीलाई भितरिउना: सङ्ङै परिणामलाई बाइऱ प्रयोगकर्ता: वाँ पुर्याउनान। कम्प्युटरो प्रोसेसिङ विभागले जानकारीनो पंक्ति पड्ड्या, चलाउन्या रे जमा अद्दया काम अरन्छ।