अञ्जु पन्त

विकिपिडिया बठेइ
Jump to navigation Jump to search
अञ्जु पन्त
Anju Panta in Sydney 2014.jpg
अञ्जु पन्त सिड्नी मी यक कार्यक्रम मी
व्यक्तिगत विवरण
जन्मसन् १९७७
पेशागायन
सक्रिय वर्षसक्रिय
वेबसाइटanjupanta.net/about-anju-panta
राजेश पायल राई रे अञ्जु पन्त सिड्नी मी यक कार्यक्रम मी

अन्जु पन्त यक नेपाली गजल रे पार्श्वगायक हुन्। नेपाली गायक क्षेत्र मी उन ले भौती चल्याऽ गीदअन गाइराइछन् जै मी है केयि चर्चित गीदअन न बिर्से तिमीलाई, म तिमी बिना मरीहाल्छु, सपुतोऽ भुन भुन बोल्यो भमरा, किस्मतोऽ दिल यो मेरो दिल, रे डरोऽ सुस्तरी सुस्तरी मनमा हुन्। पाँचथराऽ आठराई कि इजा मनु योञ्जन रे काठमाडौं नज्यूकाऽ फर्पिङाऽ विष्णु पन्तै चेलि अञ्जु पन्त ले ऐल तक्क १८ नेपाली चलचित्राऽ गीद गाइसकिराइछन् भँण्या शयौं साङ्गितिक एल्बमअन मैं आफुनि औवाज दीसकिराइछन्। येए का सङ्ङै उन सबै है बर्ती गीद गौनेइ, बर्ता पुरस्कार पौनेइ रे गीद बठेइ सबै है बर्ती कमौनेइ गायिकाऽ रूप मैं लगै गँणिन्छिन्। अञ्जु पन्त ले गायाऽ न बिर्से तिमीलाई न पाएँ तिमीलाई गीद उनरो सबै है बर्ता चल्याऽ गीदाऽ रूप मैं गँणिन्छ।

व्यक्तिगत जीवन[सम्पादनस्रोत सम्पादन]

०५२/०५३ साल तिर कृष्णमान डङ्गोल सित औपचारिक सङ्गीत सिक्द पसी बतौनेइ पन्त ले तसै बगत गुरूइ का सङ्गीत मी रेडियो नेपाल मी 'मनवा मन नै योगी बनाऊ' बोलोऽ भजन रेकर्ड गराइराइथिन्।[१] सन् २००२ मी उनरो मनोज राज शिवाकोटी सित ब्या भयो जो नेपालाऽ चर्चित आधुनिक रे शास्त्रीय गायक हुन्। यिनरि यक चेलि (परिशोतिका) छन्। आफुना बौस्या सित सम्बन्धविच्छेद भया पछा अञ्जु पन्त हिन्दु धर्म बठेइ बदेलीवर क्रिस्चियन धर्म माणन्छिन्।

पुरस्कारअन[सम्पादनस्रोत सम्पादन]

सन् २००९ का डिसेम्बर मैं भयाऽ क्लोज अप हिट्स एफएम म्युजिक अवार्डाऽ तेरौं संस्करण मैं उन ले उत्कृष्ट गायिका, बर्षोऽ उत्कृष्ट रेकर्डेड गीद "नबिर्से तिमीलाई न पाए तिमीलाई" का सङ्ङै और लै भौत पुरस्कारअन जितिराइथिन्।[२] उन ले जित्याऽ पुरस्कारअन यिस्याँ छन्[३]-

साल (सन्) पुरस्कार टिप्पणि
२००८ उत्कृष्ट पार्श्व गायक खबरदार चलचित्र खिलाइ
२००९ उत्कृष्ट पार्श्व गायक शिलशिला चलचित्र खिलाइ
२००९ सर्वश्रेष्ठ महिला आवाज प्रदर्शन तेरवाँ क्लोज अप हिट्स सङ्गीत पुरस्कार
२००९ वर्षोऽ उत्कृष्ट रेकर्ड तेरवाँ क्लोज अप हिट्स सङ्गीत पुरस्कार
२०१० उत्कृष्ट पार्श्व गायक छोडी गए पाप लाग्ला चलचित्र खिलाइ
छिन्नलता पुरस्कार
कान्तिपूर एफएम सङ्गीत पुरस्कार
उत्तरा बद्री सम्मान

सन्दर्भ सामग्रीअन[सम्पादनस्रोत सम्पादन]

  1. "Anju Panta Biography, Song, Daughter and Rate". Retrieved फेब्रुअरी २८, २०१८. Check date values in: |access-date= (help)
  2. Karmacharya, Avash. "Anju Panta grabs limelight at Hits Award", 18 December 2009. छाड्डिबार पुग्या मिति:8 September 2014.
  3. "Anju Panta Biography, Song, Daughter and Rate". Retrieved फेब्रुअरी २८, २०१८. Check date values in: |access-date= (help)


बाइल्ला सूत्रअन[सम्पादनस्रोत सम्पादन]