सुदूरपश्चिम स्वर्गसरी

विकिपिडिया बठेइ
Jump to navigation Jump to search
"सुदूरपश्चिम स्वर्गसरी"
एकल हताँ महेश औजी रे विष्णु माझी
सार्वजनिकवि.सं. २०६३
ढाँचा
  • डिजिटल डाउनलोड
किसम
लम्बाई१२:५१
गीतकार(अन)माधव विष्ट
रेकर्ड निर्माता(अन)कल्चर मुनामदन फिल्म्स
सङ्गीत भिडियो
"सुदूरपश्चिम स्वर्गसरी" युट्युब मी

सुदूरपश्चिम स्वर्गसरी डोटेली भाषा का चर्चित तथा प्रख्यात मर्मस्पर्शी गीदअन मध्ये को यक हो। यै गीद मी स्वर बैकान तर्फ डोटेली भाषा का चर्चित गायक महेश कुमार औजी को रह्याः छ भँण्या बैकिनी तर्फ स्वर गीद सङ्गीत क्षेत्र मी ख्याति कमाउनाइ सफल तथा स्थापित लोक गायिका विष्णु माझी को रह्या: छ। यो गीद मायाको आँचल नामक गीदि सङ्गाला मी समाविष्ट छ।

यै गीत मी छायाङ्कन शङ्कर चौसिर अर्‍या: छन् भँण्या सम्पादन लै उनै ले अर्‍या: हुन्। यै गीद को निर्देशन राजुध्वज राणा ले अर्‍या: हुन्। यै गीद मी शब्द रे लय माधव विष्ट को रह्या: छ। यै गीद को उत्पादक रे वितरक सङ्गीत सौगात प्रा.लि. हो भँण्या यै को श्रव्य दृश्य निर्माण कल्चर मुनामदन फिल्म्स ले अर्‍या: हो। यै को आधिकारिक साङ्गीतिक श्रव्य दृश्य शङ्कर सिंह विष्ट का आधिकारिक युट्युब खाता मी वि.सं. २०७१ भदौ ८ गते का दिन सार्वजनिक गरिया: थ्यो। यै ले मङ्सिर २०७६ साल सम्म मी ३७ हजार है बर्ति अवलोकन प्राप्त अरिसकिराइछ।[१] यै गीद मी नेपाली युवाअन ले रोजगारि को अवसर नपाइबर वैदेशिक रोजगार रोज्जु पड्ड्या रे विदेश मी रन्ज्याँ कि कसा दु:ख कष्ट मी रनु पड़न्छ भँण्ण्या विषय पूर्ण यथार्थ सित धेकायियाः छ।[२]

सन्देश[सम्पादनस्रोत सम्पादन]

येइ गीत का श्रव्य दृश्य ले स्वदेश मी रोजगारी को अवसर नपाइबर विदेश जानु पण्या विडम्बना लाइ यथार्थपरक ढङ्ङ ले चित्रण गरिराइछ। वैदेशिक रोजगारि म‍ी जाँन्ज्या यक नेपाली ले कि कसा असजि भोग्गु पड़न्छ या कसा-कसा काम मी बढ्ता लगाइन्छ भँण्ण्या बारे मी प्रकाश पाड्डु खोजियाः छ। विदेश मी रन्ज्याँ आफुनि मातृभूमि, मौ लाइ सम्झिबर मात्तरी बस्सु पड्डया रे सोच्याः बेला घर आउन नमिल्ल्या कुरणि लाइ लै येइ गीद मी धेकाउन खोजियाः छ। चाहँना चाहँनाइ लै स्वदेश मी काम नपाउन्या रे काम का खोजी या जीवनयापन अद्दाइ आफुनो ज्यान जोखिम मी राखिबर विदेश का चर्का घाम मी खटीन पड्ड्या यथार्थ लाइ येइ गीत बठेइ सङताइ रूप मी चित्रण गरियाः छ।

सन्दर्भअन[सम्पादनस्रोत सम्पादन]

  1. "सुदूरपश्चिम स्वर्गसरी". २४ अगस्ट २०१७. खोलियाः १९ डिसेम्बर २०१९.
  2. "एकै थलोमा सुनाइयो सात प्रदेशकै लोकभाका". राजधानी दैनिक. खोलियाः ९ डिसेम्बर २०१९.