रवीन्द्र जयन्ती

विश्वविख्यात कवि तथा गीतकार रवीन्द्रनाथ ठाकुरो जन्मदिना औसरमी वार्षिक रूपमा मनाइने रवीन्द्र जयन्ती एक सांस्कृतिक उत्सव हो। विश्वभर रएका ठाकुर रे उनरो कृतिखन माया अद्दे मान्सले रवीन्द्रनाथ ठाकुरो जन्मदिनकी सम्झनामी यो उत्सव मनाउन्या प्रचलन छ। ठाकुरो जन्म बङ्गाली पातडो अन्सार १२६८ सालो (बङ्गाब्दो) तेइ दिन (अर्थात् सन् १८६१ मे ७) मी भयाथ्यो। त्यै भइबर रवीन्द्र जयन्ती अप्रिल महिनाकी सुर्रूमी अर्थात् बङ्गाली पातडो अनुसार वैशाख महिनाकी २५ औँ दिनमी मनाउनाहन्।

रवीन्द्र जयन्तीकी औसरमी प्रत्येक वर्ष बङ्गाल क्षेत्र अन्तर्गत विद्यालय, कलेज तथा विश्वविद्यालयहरू विभिन्न कार्यक्रमो आयोजना अद्दाहन्। कार्यक्रममी गीति (रवीन्द्र सङ्गीत) तथा नृत्य प्रस्तुति, कवितागोष्ठी रे नाटक प्रदर्शनी आयोजना अद्दाहन्। ठाकुरद्वारा लिखित रे रचित कविता, गीत रे नाटक प्रस्तुति लै हुनोछ। यै विशेष दिनमी औरू असङ्ख्य सांस्कृतिक कार्यक्रम आयोजना अरिन्छ। विदेशा अनेक समूहले लै विश्वभर ठाकुर रे उनरो कृतिखी श्रद्धा स्वरूप यै दिवस मनाउनान्।

ठाकुरो जन्मजयन्ती मुख्यतया पश्चिम बङ्गालको वीरभूमिस्थित शान्तिनिकेतनमी मनाउनान्। ठाकुर आफुइ विद्यार्थी रे सप्पै समाजो सांस्कृतिक, सामाजिक रे शैक्षिक उत्थाना निम्ति विश्वभारती विश्वविद्यालय स्थापना अर्याथ्ये। तै विद्यालयमी त्यै दिन विशेष कार्यक्रमकी आयोजना अरीन्छ। यै दिन रेडियो रे टेलिभिजनमी दिनैभरी विशेष कार्यक्रम प्रसारण अद्दाहन्। पत्रपत्रिकामी विशेष अङ्क प्रकाशित हुनाहन्। ढाकाइ रे चट्टोग्राममी रवीन्द्रमेला लै आयोजना अद्दाहन्। विद्यालय-कलेजका विद्यार्थी लै निबन्ध प्रतियोगिता, विभिन्न प्रदर्शनी आयोजना, पुस्तक मेला, सङ्गीतै रे चित्रकला प्रतियोगिता आदि हुनाहन्। बङ्गाल क्षेत्रमी मान्तर नभै त्यै दिन ठाकुरले दियाको साहित्यिक योगदान रे उनका कृतिखी श्रद्धा दिना निम्ति विदेशी समुदायहरूलै विभिन्न कार्यक्रमो आयोजना अद्दाहन्।

रवीन्द्रनाथो जीवितकालमी लै रविन्द्रजयन्ती मनाइन्थ्यो। यै दिनखी मनाउने क्रममी बङ्गाली समुदाय आफ्नो भाषाइ रे साहित्य, शिक्षा रे संस्कृति, मनोविज्ञान विकासमी रवीन्द्रनाथो महान योगदानप्रति ऋनी भ्याको स्वीकार अद्दछ। सन् २०११ मी भारत सरकारले रवीन्द्रनाथ ठाकुरो १५०औँ जन्मजयन्ती मनाउनाखी पाँच रुप्प्याको सिक्का लै जारी अर्याथ्यो।